Қазақстан Республикасы Үкіметінің қаулысы  №117

2016 жылғы 26 ақпан, Астана, Үкімет Үйі Мемлекеттік электрондық ақпараттық ресурстардың құрамына енгізілетін жеке тұлғалардың дербес деректерінің тізбесін бекіту туралы «Ақпараттандыру туралы» 2015 жылғы 24 қарашадағы Қазақстан Республикасы Заңының 6-бабы 6) тармақшасына сәйкес Қазақстан Республикасының Үкіметі қаулы етеді: 1. Қоса беріліп отырған мемлекеттік электрондық ақпараттық ресурстардың құрамына енгізілетін жеке тұлғалардың дербес деректерінің тізбесі бекітілсін. 2. «Мемлекеттік электрондық ақпараттық ресурстардың құрамына енгізілетін жеке тұлғалардың дербес деректерінің тізбесін бекіту туралы» Қазақстан Республикасы Үкіметінің 2007 жылғы 5 маусымдағы №460 қаулысының (Қазақстан Республикасы ПҮАЖ-ы, 2007 ж., №18, 206-құжат) күші жойылды деп танылсын. 3. Осы қаулы алғашқы ресми жарияланған күнінен бастап қолданысқа енгізіледі. Қазақстан Республикасының Премьер-Министрі К.МӘСІМОВ. Қазақстан Республикасы Үкіметінің 2016 жылғы 26 ақпандағы №117 қаулысымен бекітілген Мемлекеттік электрондық ақпараттық ресурстардың құрамына енгізілетін жеке тұлғалардың дербес деректерінің тізбесі р/с № Мемлекеттік электрондық ақпараттық ресурстардың құрамына енгізілетін жеке тұлғалардың дербес деректерінің атауы 1. Тегі 2. Аты 3. Әкесінің аты 4. Тегі мен атының транскрипциясы 5. Тууы туралы мәліметтер: туған күні; туған жері. 6. Ұлты 7. Жынысы 8. Отбасылық жағдай 9. Азаматтығы туралы мәліметтер: азаматтығы (бұрынғы азаматтығы); Қазақстан Республикасының азаматтығын алған күні; Қазақстан Республикасының азаматтығын жоғалтқан күні. 10. Жеке сәйкестендіру нөмірі (ЖСН) 11. Портреттік бейнесі (цифрлы суреттер) 12. Қолы 13. Заңды мекенжайы, заңды мекенжайын тіркеген (тіркеуден шығу) күні 14. Жеке басын куәландыратын құжаттың деректері: құжаттың атауы; құжаттың нөмірі; құжатты берген күні; құжаттың қолданылу мерзімі; құжатты берген орган.